Chhe Mantra Sada Mangalkari

 

છે મંત્ર મહા મંગલકારી ૐ નમ: શિવાય ૐ નમ: શિવાય

 

એ જાપ જપો સૌ નર-નારી

એ મંત્રથી રામ વિજયને વર્યા

શ્રી રામે શિવને યાદ કર્યા – ર

કરી પૂજા ને શિવ પ્રસન્ન થયા ૐ નમ: શિવાય ૐ નમ: શિવાય

 

ગંધરવો જેનું ગાન કરે

અનકાદિક એ રસપાન કરે – ર

વ્યાસ સદા મુખથી ઉચ્ચરેૐ નમ: શિવાય ૐ નમ: શિવાય

 

યમ કુબેર ઈન્દ્રાદિક દેવો

કહે મંત્ર સાદો જપવા જેવો

શ્રધ્ધા રાખી શિવને એવો ૐ નમ: શિવાય ૐ નમ: શિવાય

 

ઋષિ મુનિઓ જેને ધ્યાને છે

વળી વેદ પુરાણને માને છે

બ્રહ્માને વિષ્ણુ વખાણે છે

 

એ મંત્રથી સર્વે સિધ્ધી મળે

વળી તન મનનો સંતાપ ટળે

એ મંત્ર સદા છે શુભકારી

ભવસાગરથી લેશે તારી

પ્રેમથી બોલો સંસારી ૐ નમ: શિવાય ૐ નમ:શિવાય